Политика

Северна Македонија: Со право на глас на овие избори во Избирачкиот список се запишани вкупно 1.814.317 гласачи

Денес, 2.569 гласачи своето право на глас ќе можат да го остварат во 31 гласачко место во ДКП каде што се пријавиле да гласаат, а чии што пријави се прифатени од страна на Државната изборна комисија.

На гласачките места во 14 казнено поправни установи своето гласачко право денеска ќе можат да го остварат 2.147 гласачи. Сите гласачки места во казнено поправните установи се отворени утрово во 7 часот и гласањето таму ќе трае до 19 часот.

До овој момент гласањето тече без проблеми.

Во текот на денешниот ден своето гласачко право во единствениот центар за внатрешно раселени лица ќе можат да го остварат и 2 гласачи кои се водат како внатрешно раселени.

Во текот на денешниот ден избирачките одбори во Република Северна Македонија ќе го спроведат гласањето на лица кои се болни или немоќни, а до општинските изборни комисии доставиле известувања со соодветна документација. Во своите домови гласачкото право ќе го остварат 6.935 граѓани кои се пријавиле како болни или немоќни.

Денес, 534 гласачи кои се сместени во 20 центри за вонсемејна грижа ќе имаат можност да го остварат своето право на глас во центарот каде што се сместени.

Постои изразен интерес и за набљудување на овие избори од страна на домашни, странски и меѓународни организации и медиуми.

Државната изборна комисија досега издаде акредитации за набљудување на 342 домашни, 517 странски и меѓународни набљудувачи, 51 преведувач и 32 странски новинари.

На сите граѓани на располагање им се и интернет страницата на ДИК www.sec.mk, како и страниците на социјалните мрежи Фејсбук, X, Инстаграм како и каналот на Јутјуб, каде што ќе можат да најдат правовремени и точни информации поврзани со изборите.

Поповод 8 Април средба на Градоначалничката на Град Скопје Данела Арсовска и делегација на ИРУ предводена од претседателот Зоран Димов и делегатот Лучика Тудор

Градоначалничката на Град Скопје Данела Арсовска по повод 8 Април Меѓународниот ден на Ромите, како покровител на 12-тиот Конгрес на Интернационалната Ромска Унија, со голема почит им се обрати на присутните учесници од над 30 земји од светот, во име на Град Скопје им го честита празникот и 53 годишнината од Првиот Ромски Конгрес.

Ние во текот на целата година ги докажуваме преку континуирани активности заедничките напори за справување со предизвиците и делуваме за потребите на ромската заедница, како и на сите останати граѓани. Денешниот ден и неговото одбележување, ја симболизира нашата почит кон ромската заедница, која е значаен дел од нашето општество. Затоа ги славиме различностите и единствено со заедничка работа и почит, можеме да постигнеме поголем напредок за сите граѓани. Почитувани претставници на ромската заедница во Македонија, драги пријатели, ви го честитам денешниот празник“, истакна градоначалничката Арсовска.

Лучика Тудор Ромската Кралица делегат на Конгресот, го посети Град Скопје и како одраз на благодарност за соработката истакна дека е среќна што има институции кои ја подржуваат и препознаваат уникатната ромска култура. Во рамки на Конгресот како еден дел од програмата се одржува и 22. интернационален ромски филмски фестивал “ Златно тркало 2024“, на кој се доделуваат награди за најуспешните филмски остварувања. Единствено со искажување почит кон сите наши граѓани, ја градиме нашата Македонија како држава во која се почитува различноста и човековото достоинство и целиме кон солидарна и праведна држава за сите нас.

Link: https://skopje.gov.mk/mk/vesti/2019/megunaroden-den-na-romite-2024/

Обид за атентат врз градоначалникот на општина Арачиново, ранет неговиот возач

Градоначалникот на општина Арачиново Ридван Ибраими некаде попладнево бил застрелан со автоматско оружје. Неговиот возач бил погоден со прострелна рана во градниот кош, потврди МВР. На влезот во Арачиново пристигнале засилени полициски сили, а на местото на престрелката во тек е увид.

Од Клиниката потврдуваат дека лице од Арачинов е донесено во Ургентниот центар во тешка здравствена состојба поради прострелна рана во градниот кош, за која е потребна итна операција.

Градоначалникот не е повреден, а во автомобилот во кој се наоѓал било пукано.

https://www.facebook.com/watch/?ref=embed_video&v=1136406844049113

Република Северна Македонија: Претседателски избори на 24-ти април, парламентарни на 8-ми мај: Ова се изборните рокови и правила

Претседателските избори во земјава ќе бидат одржани на 24 април, а евентуалниот втор круг ќе биде на 8 мај, заедно со парламентарните избори. Претседателот на Собранието Јован Митрески вчера ги распиша седмите претседателски и 11-те парламентарни избори, кои годинава се одржуваат во редовниот термин.

Согласно Уставот, претседателот се избира за време од пет години. За претседател на Републиката исто лице може да биде избрано најмногу двапати. Претседателот мора да биде државјанин на Република Северна Македонија.

За претседател ќе биде избран кандидатот кој добил мнозинство гласови од вкупниот број избирачи запишани во Избирачкиот список. Ако во првиот круг ниту еден кандидат за претседател не го добил потребното мнозинство гласови, во вториот круг се гласа за двајца кандидати кои во првиот круг добиле најмногу гласови. Вториот круг на гласање се одржува во рок од 14 дена од завршувањето на првиот круг. За претседател е избран кандидатот кој добил мнозинство гласови од избирачите кои гласале, доколку гласале повеќе од 40% од избирачите. Доколку и во вториот круг на гласање ниту еден од кандидатите не го добил потребното мнозинство гласови, се повторува целата изборна постапка.

Единаесетите парламентарни избори од независноста ќе се одржат на 8 мај. Во Собранието на Република Македонија се избираат 120 односно 123 пратеници. Сто и дваесет пратеници се избираат според пропорционалниот модел, при што територијата на земјата е поделена на шест изборни единици утврдени со Изборниот законик и во секоја се избираат по 20 пратеници. Тројца пратеници се избираат според пропорционалниот модел во една изборна единица која ги опфаќа Европа, Африка, Северна и Јужна Америка, Австралија и Азија.

Карактеристично за изборите 2024 ќе биде тоа што тие ќе се одржат во среда, а идентификацијата на гласачите повторно ќе се врши со апарати за отпечатоци на прсти (фингерпринт).

Како подготовка за одржување на парламентарните избори, на 28 јануари годинава, на 100 дена пред изборите беше формирана техничката Влада чиј претседател е Талат Џафери. Тој со неа ќе раководи до изборот на нова политичка влада.