Политика

Амди Бајрам ќе се кандидира за претседател

Во трката за претседател на Македонија влегува и Амди Бајрам, лидер на Сојузот на Роми, кој добил поддршка на централниот одбор на партијата.

„На седница на централниот одбор на Сојузот на Ромите беше одлучено за единствен кандидат за претседател на Македонија да го кандидира лидерот Амди Бајрам“, се наведува во објавата на Фејсбук на Аднан Мемеди, член на централниот одбор на Сојузот на Роми.

Амди Бајрам, кој е пратеник, рече дека ја прифаќа номинацијата од највисокото партиско тело.

РДС реагира: „Самка сака да ги „воспита„ неговите противници од ромските НВО„

Во последниот период кој помина една од актуелните теми меѓу Ромите беше и обвинувањата од страна актуелниот пратеник од ПЦЕР Самка Ибраимовски за според него потрошени 25 милиони долари на Ромскиот НВО сектор.

Според Движењето Ромскиот Демократски сојуз -РДС, оваа анти кампања против Ромскиот НВО -од страна на Самка е еден вид на „освета„ кон неколку НВО , каде поголемиот дел се од Источна Македонија, а за кои Самка ги гледа како свои политички „противници„. Тоа нарочито беше забележливо по сменување на Аксел Ахмедовски од местото Министер без Ресор. Тогаш реакциите на поголемиот дел на Роми од Источниот регион беше голем и негатиувен кон Самка.

И сега информациите за потрошени над 25 милиони долари од Ромскиот НВО, Самка го користи како освета , со акцент кон оние НВО од источниот регион.
РДС во продолжене напоменува дали Самка размислил и дали знае колкав му е рејтингот меѓу Ромите? Дали Самка со овој начин си прави самиот себеси политички погреб на него и на ПЦЕР. Дали знае Самка каков рејтинг ужива кај својот коалиционен партенр СДСМ и Заев?

И дали Самка со овој потег ги влече за јазик ромскиот НВО и другите да се подзанимаваат со неговите сомнително барање од 1 милион евра и добиена отштета во висина од 800 илјади евра за неговиот мотел „Плави„ кој за време на конфликтот во 2001 година пријавил дека беше оштетен од воени дејствија.
Колку е реален тој момент?

Што би рекле старите, „си го бара со боринче„ . Дали Самка размислува и за моментот за евентуални Предвремени парламентарни избори со кое лице ќе се појавува на тие митинзи, и на кој начин ќе бара соработка со Ромскиот НВО сектор во реализација на важни стратешки документи кога се работи за Ромите.

Дали Самка Ибраимовски станува „заборавена буква„ во ромската политика?
Самка, Самка, бирај ум! - му препорачуваат Ромите, напоменува РДС

И ПИР со свои барања за идниот Претседателски кандидат

Партијата за Интеграција на Ромите - ПИР излезе со свое соопштение како „Понуда за соработка„ со партиите кои планираат да именуваат свој претседателски кандидат.
Во информацијата на ПИР стои дека на престојните Претседателски избори ќе го подржи следниот кандидат кој ќе се обврзи и јавно ќе прифати и реализира барањата на ПИР , а тоа се:
Вклучување на ромските интелектуалци во преставување на надворешната политика на Р.Македонија на ниво на:
– Амбасадор
– Советници амбасадори
– Конзул
– Воен аташе
– Политички аташе
– Вработувања во военото разузнавање на Р.Македонија
– Двајца зам. помошници Директори на Агенцијата за разузнавање и контраразузнавање
–Вработување на млади Роми со завршен Правен факултет , Факултет за безбедност и други сродни факултети во Агенцијата за разузнавање и контраразузнавање
– Еден член од Ромска националност во Советот за безбедност
– Промовирање на ромската култура и традиција за време на протоколарните средби со официјални преставници од други држави

Стои во дописот на социјалните мрежи од Претседателот на ПИР - Др Бајрам Берат

За положбата на Ромите како обвинети во кривична постапка во Република Македонија

Во анализата направена за положбата на Ромите како обвинети во кривична постапка во Република Македонија во рамки на проектот „ Еднакви пред судот безбедни во животот„ направен пред две години има повеќе индикатори каде Ромската заедница во РМ , нагласено е дека Дискриминацијата врз основа на етничката припадност е особено нагласена во Република Македонија, кога станува збор за ромската популација.

Пристапот до правда и пристапот до правото на фер и правично судење се поставуваат како есенцијални прашања за ромската заедница имајќи го предвид целокупниот социо-економски контекст во кој се наоѓаат Ромите во Р Македонија.

Заштитата на основните човекови права во рамките на судските постапки, а пред сè положбата на Ромите како обвинети во кривичната постапка во контекст на целокупниот момент на стигматизација и стереотипизација кон Ромите, е значајна да се истражи за да се утврдат ефикасни механизми на заштита.

Посебно внимание заслужува положбата на Ромите во правосудниот систем, во најширока смисла на зборот. Многубројни се согледувањата за дискриминацијата на Ромите во постапувањето на полицијата, примена на несоодветна сила, заплашување, репресија и нехуман третман, но и манифестирана недоверба во тврдењата на граѓаните од ромската националност дека определени права им се загрозени односно повредени.

Повеќе на следниот лин во целокупната презентирана анализа:
http://cpia.mk/media/files/%D0%90naliza-za-polozbata-na-romite-kako-obvineti-vo-krivichna-postapka-vo-republika-makedonija.pdf