Taro starti avutne beršeskere , nevi romani partia taro avutno berš ka ikljol ki politikani scenaan i Bugarija. Olakoro anav si ” Europakiri Nacionalna Partia – Bugaria”. Akaja informacia iklili angtleder desave divesa taro Sloven. Olakoro lideri si o ex bugarsko boksersko treneri o Plamen Aleksandrov.
“I Partia nane salde Romenge – numa kerela uniba sa e Romenge, Bugarenge thaj Turklie. Odoja si Europakiri nacionalna partia, thaj te sine odote Roma , odova na sikavela kaj si Romani partia. Kera aktiviteto vash o sa manuša. thaj manga te kere lačhipa e Bugariake” vakerela o Aleskandrov baši TV BTV.
Aso oleste i nevi formirimi partia si fokusea an i edukacia e Romenge thaj te ikavel e romane čhaven taro geto škole te šaj te sikljoven barabutne avere bugarsko čhavencar.
” Te na sine odova nane te ovel integracia”, vakerel o Aelksandrov. I Partia ko jekh dela lafi kaj ka len 10 neve ambulantsko vordona tari Italia, so ka oven dende ko mahale kote trubul asavko suporto. O lideri e Europakere Nacionalno Partiake – Bugaria, vakeren kaj akale egzamplea ka den motivi e Romenge te pukjinen o danokia thaj o smetke.”
Ola mangen te pukjinen , numa nane len love” dophergja o Aleksandrov.
I formacia panda na kergja diskusia e pratiencar so si an o Parlamento thaj e membroncar e politikane partiaja o Cvetelin Kančev taro “Euroroma”
