Štar divesa phanlipa an o štipsko phanlipa sebepi čordi jekh količka kašta. Akaja globa reslja la o Rušidi taro Berovo soske si čorolo thaj efta bokhale čhave na sine len sar te takjoven ko jevend.
-Jekh kolica kašta thaj astargja man o manuš em hramosargja mange globa taro 4.000 denaria (paše 70 eura) em bičhavgje man an o kriso. Jekhe kurkeske angje man ko kriso thaj vakergjum kaj nane man love te pukjinav i globa thaj bičhavgje man te pašljovav ko phanlipa. Odori užarav sine phuv thaj te trubul e čhaven te takjarav ka kerav palem odova – vakerela o Rušid Demirovski.
O 9 dženengiri familia Demirovski beršencar dživdinel ko socialno nanipe., a o socialno love našti te učharen sa o trubul lenge. Plus akaja familia nane ni ki lista bašo hajbe ki nacionalno kujna , na lela i beneficia thematar bašo trinto čhavo thaj javer beneficie.
-Dživdinaja but čorolikane, trubul amenge maro, varo – vakerela i Sanela Demirovska.
Sebepi so nane len nisavi egzistencia ola rodena desavi humanitarno akcia.
-Na trubul love, trubul kundre, jakne, šeja te den amen te šaj te uraven akala čhave – vakerela o Rušidi.
Link: https://radar.mk/?p=9329&fbclid=IwAR3fM66p3ar2TY7KrDQdQeX_j1-GxIoOT30xjUAEDwlvIJcDrXjXOlk4ZLA
