An o agorutno akale beršeske ikerdo mitingo tari i EVZ Fondacia an o Berlin so sine taro 12 dži ko 14 Decembro akava berš an o Berlin, ko vakti taro kerde diskusie taro teme so sine an i agenda, trujal o raportia vash dži akanutne aktivitetia tari rig o membroa an o Bordi sine diskusia vash avutno budžeto so ka den pe an o 2019 berš.
Ko agor e mitingoske sine andi decizia kaj o kaj o love so ka hulaven pe bašo 2019 sar proektia ka ovel majbaro.
Akava ka akcentirinel pe kote o membro taro IRU kergja zori te bajrarel pe i kvota lovenge so hulavel o EVZ o love proektenge bašo Roma thaj Sinti.
Bašo majbaro deiba love thaj realizacia sar so akcentiringja o Zoran Dimov trubul sa o romane thaj sinti organizacie , asociacie thaj khedina ničale te keren visita e web sajtoske taro EVZ Fondacia te šaj an o vakti thaj saste te len than ko sa akharina taro EVZ.
Sar so si notirime sa o kvalitetno thaj an o vakti dende proektoa thaj inicijative ka oven suportime an i olakiri realizacia thaj implementacia.
