O incidento ulo akala divesa an o tramvaj ko pašipa e marektoske Bajlon an o Beograd paše ko 11 o časo an i relacia e tramvajoske numero 5.
O incidento kergja le i Milena.V. (60) so ikavgja o pistolo taro piro gono thaj dravindo targetiringja premal grupa Roma so sine an o odova tramvajo.
I sasti grupa thaj o aver dromarutne an o tramvajo sine an o šoko. Bahtake ni jekh taro dromarutne an o odova incidento nane ratvardo thaj akanaske o motivo si napendžardo, soske akaja dživli ikavgja o pištolo.
I policia reagiringja pali akaharin tari rig e šoferoske taro o tramvajo so akcentiringja kaj an o tramvajo isi jekhj džuvli so si la čhibgjar thaj del daravin pištolesa mujal jekh drupa Roma.
I policia khuvgja an o tramvajo thaj identificiringja e džuvlja thaj legargje la an o policakoro stasiono kote so ko jekh arakhle olate thaj o pištolo.
-O šoferi akhargja e policia so majsig avili thaj legargje e džuvlja an o policiakoro stasiono. Sa odova sine 10 minutora thaj kergja pe hari stopiriba an o trafiko – vakergje taro GSP Beograd.
O motivia si napendžarde.
