Super hohavin taro Bojko Borisov an i konekcia ko si o “manuš so mudargja” e žurnalistika Viktoria Marinova thaj o targetirimo Severin Krasimirov , si an i faza sa te peravel thaj udžarel pe salde o momento kana o čačipa ka sikavel pe.
O germansko advokati Verner Hofman akceptirime sar oficialno advokatie Severineske, havljarel kaj oleskoro kliento si le zoralo “alibi”.
“Miro klienti an o oleskoro pasporto isi le štembilo taro granicakiri policia datumea 4 oktomvri. Odoleske rodingjem o video materiali taro siguritetno kamere so akana si finiširime.
Miro kliento definitivno na sine an i Bugaria ko dive kana sine o mudaripa” vakergja o Hofer.
Ko jekh sebepi akaja vakerin o mediumia snimingje o than kote so dživdinel o Severin an o Ruse.
Konstatirime si kaj ov dživdinela sine korkoro thaj oleskiri daj tari Germania bičhavel leske sine love.
Ov tegani gelo olate an i visit. Ko odola momentia oleskoro kher an o Ruse sine čuče thaj idealno target te “šaj čhiven pire dokazia sar faktičko materiali”.
Oleskoro DNK thaj lende materialia taro o “manuš so kergja o mudaripa” lende sine taro oleskoro kher, sar kaj odova materiali si lendo taro than kote si mudardi i žurnalistka.
Numa e granicakoro štembili thaj o video aktia taro aeroporto , angleder e germaniakoro kriso nane te nakhel odokhare lokheste.
Dži kote sa akava sikavel pe sar čačipe tegani o Bojko Borisov na ačhol aver numa korkoro te čhivel peske o sidžimi humlavipaske.
Link: http://burgas-podlupa.com/%D0%B3%D0%B5%D1%80%D0%BC%D0%B0%D0%BD%D1%81%D0%BA%D0%B8%D1%8F%D1%82
