An i odoja Republika Paščimali Trakia kote an i odoja jekhin sine etnikane Turklie, Roma thaj Pomacia, so sine biathinali thaj natargetirimi tari standardno trampa e manušenge maškar i Turkia thaj Grcia an o odova periodo.
Hari si pendžardo kaj an o 1913 berš ko odova regiono sine konektirimi republika so sine pohari taro duj masekoa.
O Govermento anavkergja la sar Biathinalo Govermento tari Paščimali Trakia (Garbi Trakya Hükümet-i Müstakilesi). Kergje zori te fundirinen thaj themakere funkcie: bajrako (flago), himna, askeri – armada, pire personalno pasportoa, postakere marke thaj aver.
E jaudiakoro publicisto Emanuel Karaso sine le obligacia te formirinel žurnalistikani agencia an i Paščimali Trakia thaj te editirinel gazeta an o duj čhibja – „L’Independent/Istiklal.„
Masjbaro kotor tari Paščimali Trakia palem lelja la i Bugaria . An o 1918 berš o utarpurabalo kotor lele le e franciakere trupe.
Odova regiono anektiringja i Grcia an o 1920 berš so dži ko avdisutno divesa odova regiono ikerel, trujal an o periodo tari bugariakiri okupacia ko vakti taro Dujto lumiakoro maripa.
I storia baši tiknevakteskiri republika Paščimali Trakia si storia ki koorelacia e lokalno nacionalitetoa, thaj o imperialno faktoria.
O lokalno dizutne legarde taro tradicionalno elite kamel sine te arakhel piri identifikacia thaj tromalipa an o odova regiono an o Balkani.
An o jekh momento angja decizia te kerel piro Govermento so reflektirinel sine multinacionalno thaj religiakoro karaktero e lokalno jekhinake.
Asavko govermento perela soske i jazia e regionoske anel pe sine decizie an o balkansekere thaj europakere bare dizja.
