Sako štarto čhavo an i them dživdinel an o čorolipa. Odova majbut isi ko utarpurabalo kotor e themake kote sako dujto čhavo si le akava problemo.
Taro UNICEF vakeren kaj o maripa e čhavorikane čorolipaja nane salde finasisko suporto numa trubul thaj transformacia e saste sistemoske an i them.
“Gindinav kaj akala love nane but te ikljol i familia taro čorolipa. Trubul investicia an i edukacia, kreacia neve bukjarne thana, ko šajdipa, avrutne investicie, stransko investicie so ka bajrarel i šansa olengere familie korkoro te egzistirinen thaj te ikljon taro čorolipa” notiringja o Benjamin Perks, membro taro UNICEF.
I havljardi socialno reforma ka bajrarel o perimetro e familienge so ka roden čhavorikano thaj edukaciakoro finansisko suporto.
Taro o berš so avela 65.000 čhave ka len paše po 50 eura . Dži akana asavki finansisko forma lena sine 3.500 čhave.
Aso i statistika taro socialno ofiso salde jekh taro 300 čorole čhave džal an i gradinka, a sako trinto čhavo na džal ki maškarutni škola.
