Te šaj resel pe akademsko sukcewso nane jekhutne thaj si panda phareste te vakergje tuke avera ” tu našti te kere majbuteder”.
– Asavke percepcijaja arakhen pe o Roma. Phanel pe lenge i motivacia , a e edukaciakere institucie vakeren lenge te čhinaven majodorig soske odoja si lenge majlačhi opcia!. – notirinela i 20 beršengiri Martina Oršuš. Oj buteder droma arakhalja pe akale momentoa ko vakti tari olakiri edukacia, numa akana sar agorkjergja i medicinsko škola, udžarel bahatle o starti taro akademsko berš ko medicinakoro fakulteti.
– Isi phravdi diskriminacia , numa planirinava te magistririnav thaj te ovav profesori te šaj dav motivacia e romane čhavenge soske e profesoren si len bari rolja an o olengiri edukacia.
– Nesave Romenge den pe dujengiri ki škola salde te chiden pe olendar, thaj na udžaren majbut sukceso a o korkoro čhave da pakjana kaj ola našti keren majbut an i piri edukacia. But si importantno o suporto taro paše familia thaj jeria. – vakerel i Martina.
Sar so notiringja o Albert Ajnštajn : ” Lokheste si te phage jekh atomo , taro o diskrimacija mujal nekaste, so sikavela kaj trubul but bari buti te keren o roma te šaj džan anglal.
