E čehiakoro presidento Miloš Zeman akana ko sig kergja visita e regioneske Olomouc kote sine le keriba lafi ko Koetinj kote ov diskriminiringja e Romen, notacijaja ko kontekst taro bibukjarnipa si apsolutno klar “ko si odola 5% ko Kojtin so si bibukjakoro”.
Palo odova ov falingja o egzamplo taro totalitarno komunističko era angleder 1989 berš , kana ” O Roma sine čhivde te keren buti ” a ako na keren sine buti ka oven sine phanel odoleske.
O serevro List Zprávy avgo drom informiringja akale rasisitikane retorikake taro presidento . ” Me definitivno na sium simpatizero taro komunizmo , numa an o vakti taro komunizmo o Roma zorea sine čhivde te keren buti vakergja o Zeman an o Koytin ko vakti oleskere trindiveseskere visitake akale regioneske.
“Majbut olendar keren sine buti sar fizičko bukjarne, randena sine i phuv , a okola so na mangen sine te keren buti, ola sine notirime sar bukjarno naaktivno thaj džana sine an o phanlipa” vakergja o presidento.
“Te sine neko tari odoja ekipa so kerel sine majhari buti, o aver džene maren le sine. Odova si but humano metodi tari rig okolenge so kerena sine majbut buti” vakergja o presidento , kote o regionalno guvernmero taro Olomouc Ladislav Okleštik thaj e dizjakoro šerutno taro Koytin Jirži Širek asana sine.
Akava nane avgo drom o aktuelno presidento verbalno te diskriminirinel e Romen. Ov thaj an o noemvri 2017 berš ki TV programa ” Akava kurko e presidentoa” so džal sine an i kablovsko TV Barrandov , o Zeman vakerel kaj 90% taro “namangle dizutne” an i Češka si taro romano nacionaliteto , a salde 10% si “parne difteria”
