An o krisiba ko mudariba e Ivana Vučetić (37) taro Beograd , sar svedoko sine o phral došakerde David Nikolić (22). Pašljola sine an o hodniko trujal o kupe, thaj uzal olate sine jekh baro bar. Na penđarava la sine.
Mo phral, trin amala thaj me mangaja sine te sova an o treno. Sine karanluko, paše 21 o časo thaj perel sine biršim. Khuvgjem an o treno thaj dukhle e đuvlja , muli sar pašljola tele. Sine but rata. Iklilem avrial thaj busea gelem khere. Na notiringjem an i policia , tari dar kaj šaj te phanen amen soske siem Roma.
Agjaar vakergja o Gjura Nika ko vakti taro krisiba bašo o mudaripa e Ivana Vučetić ko agor e masekoske april persi berš so sine ko jekh taro vagonia trujal Treneskoro stasioni an o Beograd.
O kriso , krisinela e David kaj ov sine lake makro e akana mudarde Ivanake , kote ov vakerela kaj sa akava si hohavipa, thaj o sasto čačipa vakergja oleskoro phral o Gjura.
O krisiba thavdel majodorig thaj nevo termini si 1 juni, kana ka oven akharde o amala taro šubikerdo Nikolić.
