An o dekemvri 2016 berš o UJP počmingje rodaripa ko 20 NGO , notirinel pe an o raporti bašo manušikane niamia ano 2017 berš an i Republika Makedonia taro Stejt Departmeti, ko kotor taro govermenteskiri korelacia mujal nagovermenteskoro sektori so keren sine buti an o rodaripa thaj phagiba manušikane niamia.
O raporto kerel konkluzia kaj o UJP kergja rodaripa thaj kontrole an o NGO so sine kritičko mujal o politike taro govermentolegarde taro VMRO DPMNE.
– O UJP kergja revizia – kontrole nekobor kurkesa palo alusariba an o dekemvri 2016 berš so sine analogno pali akharin taro anglutno premieri thaj lideri taro VMRO -DPMNE Nikola Gruevski baši “Desoroizacia” e themake, notirinel pean o raporti.
Palo odova sine arakhlo kaj 42 individualno membria tari opozicia so phravde bičhaven sine kritike e anglutne govermenteske sine ko jekh akti taro revizie thaj kontrole.
Taro 27 fevruari dži ko 7 mart e Ministeriumi bašo andrune bukja kergje vizita an o 13 NGO organizacie. An o 17 noemvri o ministeri andrune bukjenge havljargja kaj o rodaripa taro Javno kriso agorkjergja thaj nane arakhlo nisavo phagiba e kanonenge , salde jekh kriseskoro akti mujal danokoskiri animalia.
