O maturantia si an i euforia, keren o agorutne hazrkeriba, o autfit si definirime thaj udžarena te keren o party tari olengiri matura.
O čhija prastana an o butikia thaj šnajderia te len jali siven piro manglo fustani, i frizura thaj make up si panda angleder kerde terminia , a o murša dikhena pire odelia, gada thaj mašne.
Numa o jeria si okola so saste dikhen akaja euforia tari akaja matursko rakj.
Ola keren plania sar majeftino te nakhaven thaj sar te hulaven o love, soske buteder olendar o masek maj si majkuč masek olenge an o berš. Ola baši akaja pary pire čhavengiri trubul te hulaven majhari 30.000 denaria (500 eura)te pukjinen i garderoba, frizure, thaj sa aver ekstra elementia so trubun , thaj te keren košalipa pire amalemcar an o kher.
Okola so si majbarvale anen decizia o matursko utsavalkeriba te keren organizacia an o desavo restoranti , thaj odoja party pire čhaveske šaj resel thaj 1.000 eura.
O moldia an o dukjania si diferentno. I moldi taro agjaar anavkerde “koktel fustania” si taro 50 eura pa naupre. O muršane odelia si taro 150 eura pa naupre. O kondure si upreder 30 eura. Brendi si trin droma majkuč. Barabutne e garderobaja isi make up thaj frizersko tretmano so su upreder 25 eura.
