Idžerati an i internacionalno akcia telal o anav “CD” phanle si buteder Romas tari BiH šubikerde vash organizirimo kriminali thaj jinobikiba manušencar.
Odoja akcia kergje la timia tari BiH thaj francia . Ko jekh kerdo si rodaripa an o khera taro deš manuša an i Bosna thaj Hercegovina thaj Francia.
O šubikerdeaso o krisi lungo periodo taro 2012 berš organizirinen sine kinobikiniba džuvlencar thaj čhavencar ko regionia an i francia tetlal daravin, presia em terori so čhiven sine eviktimen an o čoriba, mangiba pe droma thaj aver kriminalno aktivitetia ko buteder dizja an i Francia.
Ki odoja forma o šubikerde resle nalegalno love ko baripa taro paše 2 milionia eura so odole lovencar kinen sine peske, khera thaj aver an i teritoria an i BiH. Ola odole lovencar keren sine thaj kinen sine luksuzno khera sar taro Diznilend thaj kinen sine luksuzno vordona so si moldime thaj taro 70.000 eura.
Štar taro efta astarde an i BiH si tari familia Hamidović.
