Avdive si paraštuj 13-to. I dar tari akaja data panda si aktuelno. O sueverno manuša ko akava dive na mangen te ikljon em taro ple khera, neko na mangel te džač ko drumo aeroplanea, thaj ma te džal ni ko droma.
Ake nekobor interesno storie so sine ko Paraštuj 13-to:
Aso o numerolozia o numero 13 si “bibahtalo” sebepi oleskiri poziciapalo o numero 12.
Sar egzamplo isi 12 masekoa an o berš, isi 12 zodiačko notacie, 12 devela an o Olimp, 12 plemia an o Izrael, 12 apostolia taro Isus. Ko karte taro Tarot o numero 13 si notacia – meribaske.
O templaria si astarde thaj phanle an o Paraštuj 13-to Oktomvri 1307 berš, Kaj akava legarel darhi taro sueverie e Paraštuj 13-to kerel pe sine lafi thaj ko pendžardo akti taro o Kodi taro Leonardo Da Vinči.
O urugvajsko ragbi timi olengoro aeroplano pelo ko plainsko venco an o Andi ko Paraštuj 13-to oktomvri 1972 berš.
An o 13-to Kanuar 2006 berš , 13-to oktomvri 2006 berš thaj 13-to Maj 2011 berš na salde so sine paraštuj numa o numeria odole divesenge , masekoske thaj beršenge dena sine sumarum o numero 13.
Sar majdaravutni storia so panda adžikerel amen si okoja so vakerena la:
-As o o majnevo rodaripa o asteroidi Apofilis ka avel paše dži ki amari planeta Phuv an o Paraštuj 13-to, an o 2029 berš.
Aver faktia:
Pobuter taro 80% taro uče boblakoderia nane len 13-to etaži.
Buteder aeropalnia na ujrana an o 13-to thaj te sine Paraštuj.
An i Formula 1 nane bolido telal o numero 13.
O droma an i Firenca, Italia nane len khereskoro numero 13.
An o 13 Aprilo 1970 berš sine eksplozia an o kislorodno rezervoari thaj trampingja o plania taro Apolo 13 ko ujrariba premal i Luna.
O saati taro chidiba e Apolo 13 aso amerikansko vakti sine ko 13:13 časo.
O anava taro desave majpendžarde persone so kergje serijsko mudaripa oso čen po 13 šabdakoa: Jack the Ripper, John Wayne Gacy, Charles Manson, Jeffrey Dahmer, Theodore (Ted) Bundy.
