Sar jekh taro majkale periodia an i lumiakiri historia sako drom potencirinela pe si o vakti taro Adolf Hitler thaj oleskoro pendžardo nacional socializmo. thaj palo odova notirime sar fašizmo. Odova periodi legargja milionia manušikane dživdipa an i sasti lumia.
I historia panda si an i memoria so sine o garavdo mitingo an o 20 fevruari an o 1933 berš so sine kerdo e 22 majbare industrialcia an i Germania , te šaj finansirinen i kampanja tari NSDAP partia taro Hitler.
Taro sasto budžeto bašo finansisirba e kampanjenge ko učipa taro teganutne 3 milionia marek o industrialcia e Hitlereske dengje 2 milionia marke. Odova sine o gazdia industrialcia taro Simens, Krup, Opel, IG Farbe, Allianz thaj avera. Thaj palo odova o Nacional socializmo lelja baro takati.
Avdive da nane khanči aver čhane, sar so an o akava vakti so si anavkerdo sar -Demokratia. Numa akana na legaren pe garavde mitingia, numa baš kontra savore džanena. Akharen pe mediumia, žurnalistia, redaktoria an o kebapi, kokteli thaj bukjarne hajbaskere mitingia.
Majbaro dujmujalipa odolestar si so o hajbe so ačhol taro odola mitingia donirinena sar humanitarno akti ko disave Ofisia čorole čhavenge thaj taro sa o manuša resena ovacie thaj mariba vasta – aplauzia.
A olengiri agenda džala majodoriga.
Dživde kameleonia thaj suporto tari mimikria.
