I Komisia baši protektiva tari diskriminacia havljargja beršeskoro raporti bašo 2017 berš kote konstatirimi si diskriminacia uprqal etnikani funda e akteske an o FB statusi tari Irena Ristić.
Dži ki Komisia baši protektiva tari diskriminacia sineaplicirimo akti taro Asociacia sastipaskere, socialno thaj edukaciakoro suporto European RomaRights Centre, I Asociacia e dizutnengiri Centro baši edukacia thaj suporto Dendo vas, i Asociacia Mir Skopje, ,i Asociacia ko zojrakeriba thaj organizacia e romane jekhinake “Romano Avazi” , o RDICM thaj aver asociacie thaj individualno persone mujal i persona I.R. tergjol an o raporto.
” An i dendo akti o aplikantia akcentirinena kaj i persona I.R. ko pliro personalno FB profili havljargja teksti sosi akti sar diskriminacia , teksti so si teleperavipaskiri forma mujal i Romani jekhin . Aso o aplikantia i terminologia “Cigan” so i persona I.R. istemalkergja le sar sinonimi e Romane naciake si bilačho lafi so nane le an o makedonikano jali romani čhibjakiri terminologia thaj odova si rezultati taro bilačho notacia jekhe manušeske so našti astare le, so si melalo, manuše so na trubul te astare le. . odoleske odoja koincidencia mujal o Roma terminologijaja “Cigan” teleperavela saste Romane nacia.
O aplikantia akcentirinena kote akava FB statusi ko roko taro nekobor divesa si hulavdo 30 droma thaj sine le upreder 120 komentaria kote majbaro kotor taro komentaria sine negativno naraciaja mujal i Romani jekhin” tergjol an o raporto taro KPD.
,,I Komisia akceptirinela kaj o FB si socialno netvorko thaj e personen si len šajdipa ko tromalipa te sikaven piro stavi. Numa i forma sar so si havljardo an o FB si but importantno. O tromalipa tari notacia nane ko jekh nafundirimo tromalip, an o apsolutno forma e lafeske. Odoja si limitirimi forma ko buteder faktia konektiribaja thaj sar so si natolerancia , thaj te sine motivirimi an i iniciajtiva šaj te vazdel thaj notacia tari diskriminacia.
