O direktori tari škola an i diz Burgas ki mahala Novo Paničarevo sine došoeravdo taro jerije e 14 beršengere Romane čhajake, sebepi seksualno atako, thaj akana ov tano muklo ko kherutno phandlipe.
Akava ulo ki fundavutni škola „Hristo Botev“, a o direktori Hristo Radev (58) thaj i policija taro Burgas ikergale an o policiakoro stasioni 48 časoa.
Taro kriso trubul te muken akti bašo sasto phandlipe mujal o direktori.
O Hristo Radev isile 58 berš, ov tano direktori ki škola „Hristo Botev“ thaj em profesori pali Bugarsko thaj Rusko čhip.
Pobuter taro čhave dengje piri notacia anglal o kriso, vakerga i šherutni Rumjana Arnaudova.
„ Si amen informacie kote šaj te oven javera da čhave thaj viktimia taro jek odova akti, o čhave tari škola dengje poure notacie anglal psihologija, aso o intervjua taro čhave thaj o jerije amen šaj phanda kaj akava bangardo kotor si kerdo mujal seksualno dukhajbe e čhajake“ vakerela i Arnaudovo šherutni taro javno došakeribe.
