E dizjakorošerutno Tari Parizko komuna Pojsi rodinga taro adalati te del suporto an i dislokacia e stacionirime Romen taro masek juli, ko than kote si planirimo avutno centro baši trening e majbare Francusko fudbaleskoro klubi PSG.
Oleskoro rodibe si respektirime an o administrativno adalati an o Versaj.
O dizjakorošherutno Karl Oliv an o 31 avgust ikalga nalog kote 30 Roma so lociringje pe an o pašipe taro autodromi A13 thaj A14 ka trubul te dislocirinen pe odothar.
Jek taro Roma apeliringa, o adalati irangja i peticia, thaj angja dekreti kaj o familije dzivdinena bizo niami e thaneske, kote so ko adava than nane ni pani ni kanalizacija, em tano bilačho bašo eletkrično infrastruktura.
„O than so si astardo taro Roma trubul te mukhelpe, soske adala tane taro themakere opservacie thaj trubul te oven dende bašo Fudbalsko klubi PSG ko avutne kurke“, vakerga e dizjakorošherutno.
O nevo trening centro trubul te ovel phravdo angleder o nilaj 2020-to berš, vakerela o generalno direktori taro klubi Žan Klod Blan.
Propozalo bašo tamikeriba trubul te den an o čhon noemvri, a o tamikeriba ka startujnel taro 2018 berš
