Sar anglutne anglal trin čhona, akana da kana si aktivirime i akharin te avel pe ko Javno kriso e Irena Ristić bašo anglutne notirime bilačhe vakerde lafia mujal o Roma, kote prekal FB sikavgja piro revolto bašo maltretiriba e grasteske Aurora tari rig nekobor Roma, kote ko piro FB psoti anavkergja sa e Romen -Cigani thaj akana si bari buna.
Bašo akava akti kote o sasto momenti startujnela o akti anglal o JO , notirime bašo 13 Oktomvri akava berš ko jekh reagiringje sa okola manuša so den suporto e Irena.
I forma sar sikaven piro “suporto” si majhari tolerantno. Ola na salde so den suporto numa khuven panda majhor ko problemo. O notirime lafia ” Savore siem baši Irena”, “Cigani”, “Čergari”, “Cigansko buti”, “Sapuni olendar te kera” em aver, anare paše dizutne tari “aver rig” akana huljaven pire maske thaj sikaven so čače gndinen amenge e Romenge!
Respekti olenge!. Te kere atako saste jekhe naciake asavke lafencar, si fakti sar ola percepirinen odola džieratutne tire amala – jali sar Mande perceprinen!
Sar te vakerav nesave bukja olenge so dži akana garaven sine an i peste hor, sa dži kote na počmingje o Roma te roden ahri majbari tolerancia thaj respekto olenge!
Nane i poenta deklarativno, numa i poenta si realno thaj sakodiveseskoro!
Nane man but vakti te dav godi numa ake nekobor poente odolenge so den “suporto”. Trubul hari te den pe godi te dikhen akala poente!
Okola so nikana na iranen piro stavi, ola majbut kamen korkoro peste a na mangen te dikhen o čačipa
Te leljan e manušeske o iluzie, teganoi savo čalipa ka ačhol lenge?
Čače ka vakerav thaj si mange misteria o fakti: Sar šaj manuš te ovel baro kana degradirinel aver manušen.
Majnaglal ignoririne tut, palo odova asana tuke, palo odova maren pe tuja thaj ko agor viktoririne!
Ni jekh našti mande te devalvirinel, bizo miro mukhibe!
Aj hari gndinen hari “mire phralja”
Ramuš Muarem
