„O devel te mudarel tu“, „Parno dive ma te dikhe“ sine o lafija e Romengere, palo mudaribe e Romane familijake kova so kergale o 31 beršengoro Ivon Vialev.
O Plovdivsko apelaciono kriso mangela te tiknarel o phandlipe kova so resarela 25 berš, bašo rasiitikano mudaribe duj e personenge tari Romani populacija.
Ko 5 noemvri persi berš sine kerdo akava akti, keda o Ivon Vialev ki rakj khuvga ko kher taro Asen thaj Vasilka Ilievi ki diz Pazardzik ki Buigarija , thaj kerga o bilačhipe čhingalen kujnsko čhurikaja.
Numa adava na sine o agor, palo adava tajsutno dive ov bandukoa pharakerga e personen Asija Jordanovoa thaj Temenužka Birzakova.
O advokati taro Ivon Vialev rodela o phandlipe te ovel tiknardo bašo 22 berša.
„I resarin si te tromarel pe“ vakerga o advokati kova so protekritinela le anglo apelaciono kriso an o Plovdiv.
Akava rodibe e advokateskoro, vazdinga baro revolto an i paše familia taro viktimia thaj ola rodena dekreti daro 30 berša phanlipa.
Akaja person si krisimi bašo panda 7 phare čoriba thaj palo sa akava ov vakergja: Kamav te iranav man, hulalvav i bibaht e paše familiaja so muadrgjum e manušen, numa čalo sium akale aktea so kergum le“.
Aso o advokati vakerel ov tano narkomani thaj ačhilole psihotraum palo meribe oleskere dajake kana sine le 6 berša thaj ko vakti tari akaja bibaht sine telal o metadono.
