O Romano giljavutno Joci Papai lelja o jekhto than an i Hungariakiri nacionalno selekcia gilenge ko festivali “A Dal” bašo Eurosong 2017 so ka ikerel pe an i ukrainakiri šerutni diz Kiev sar reperezento e Hubgariake e giljaja anvkerdi sar “Origo”
Ko majrenomirimo muzikakoro festivalo Eurosong so akava berš ka ikerel pe taro 9 dži ko 13 maj i Hungaria ka lel than ki dujto jekvašfinalno rakj ko 13 maj.
O Joci Papai si romano giljavutno , raperi thaj gitaristi kote avgo drom maškar i publika ulo prependžardo kana lelja than an o TV šou anavkerdo sar Megastar, hungariakiri verzia taro X faktor ko 2005 berš pali so ikalgja pi avgo gili “Ne nézz így rám” ko 2006 berš.
Leskiri muzika si teli influenca taro rok, pop, soul, Arenbi thaj romani tradicia.
Dži akana kergja barabar buti buteder muzikane anavencar pe phuvjate sar so si o raperi Majka thaj Karamel thaj Zevel Sabo.
I gili Origo si hip hop influenciasa savi heminela tradicionalni romani muzika.
Youtube: https://www.youtube.com/watch?v=LflrKXL022U
