Kana o Roma avile an o Unime Amerikakere Thema startujnela ko vakti kana sine formirime kolonie an o regioni tari Virdjinia thaj francusko Lujzijana. Pobare avipa startujngje palo 1860 berša kana avili grupa Romnišala tari Britania. Majbari grupa romane migrantia resen ko 20-to veko , majbut tari vlaško grupa thaj Kalderašia. Akala duj grupe but sine nakonektirime maškar peste. Baro numero Roma avile an i teritoria tari avdisutni Centralno Amerika .
Ko jekh isi jekh grupa Roma so dživdinen an i Irska, Britania thaj USA. pendžarde telal o anav Irsko Roma – jali Travelia Nomadia.
Ola nane telal genetsko familia e Romencar, numa i romano nomadsko kultura sine la presia upral olate.
Olengiri čhib sine fundirime jeribaja taro Irsko gaelosko dialekto thaj anglikani gramatika thaj desave presie tari romani čhib.
O Špansko Kvinkvi thaj Merčarosia si minjoritetia, anglal sa nomadsko so hulavela but barabutne e dživdipaja e špansko Romencar. Olengere darhie si nadenfirinirme: šaj olengere darhie si taro gavutne so našavgje pli phuv ko 16 veko. Trujal so hulaven sine i jazia e Romencar m sar paldimi nacia. O Merčarosia numa ola distancirinen pe taro Roma.
An i Germania, Austria, Švajcaria thaj i Francia isi anavkerde sar Parne Roma, pendžarde telal o anav Jenišia. Olengiri čhib, gramatika si identično e aver germansko dijalektencar an i Švajcaria, numa o vokabulari si le baro numero taro vorbe so aven tari standardno germaniakiri, romani thaj jidiš vokabulari.
