O Roma tari naformalno mahala “Čukarička Šuma” trujal o Beograd ake jekh kurko nane an i situacia pire vordonencar te khuven thaj ikljoven tari odoja mahala. O anglutno kurko ko starti akale mahalake sine čhivde bariere so namukhena sine e vordonenge te khuven an i mahala. Faktea kote o Roma keren buti khediba sekundarno materiali thaj purano metalo thaj trubul pe vordonencar te transportirinen i surovina, ola an i praktika saste efta divesa na sine an o šajdipa te keren piri buti thaj bizo love.
Ko jekh an i mahala nane thaj than te nakhen o vordona tari urgentno medicina, mujaljagakiri ekipa thaj avera.
O Roma tari akaja amahala vakerena kaj o bariere čhivgje i mehanizacia taro Dizjakoro parko kote sar asistencia sine thaj i policia thaj aver oficialno persone.
An i Komuna Čukarica Praxix vakerena kaj o bariere si čhivde te šaj čhinaven pe aniba sekundarno gunoj thaj olengoro thariba , odoleske so o manuša so si ko pašiba reagirinen sine ko dumani thaj i khand. Numa o fakti kote lungo berša akala manuša kerena piro biznis purane metalea thaj egzistirinena klar si kaj akala surovine na khedena len te tharen len , numa te bikinen len. Odoleske akava fakti so čhiven barikada si buteder cinizmi numa sar čačutno akti.
