Palo kerdi seria masovno protestia thaj holi e dizutnenge e Bugariakoro Govermento kergja pomukhiba. Aso Themakiri Komisia bašo energetsko thaj aver regulacia (DKEVR) startujngja akti te lel pe i licenca taro “ČEZ”, čehiakiri kompania so kerela distribucia e elektrikake an i Bugaria, havljarena e bugariakere mediumia.
Angleder jekh masek o ČEZ našavgja piri licenca an i Albania.
Ko avdisutni vakerin o premieri e Bugariakoro o Borisov vakergja kaj nane le plani te mukhel i funkcia Premiero, numa mukhlja phravdi opcia te ove anglovakteskere alusariba te gele o protestia majodorig.
Ko jekh vakergja kaj i elektrika ka ovel majeftino bašo 8%.
Ko fotosi so si hulavdi ko bugarsko profilia an o Facebook dikhen pe duj tharde vordona tari EVN kompania. Aso o informacie o vordona sine tharde erati an o Plovdiv.
