E tikneberšengoro Dž.M. sebepi bare otokia thaj čhadiba si hosdpitalizirime an i Čhavorikani klinika an o Skopje, taro Oddeli baši hematologia sar urgentno akti. Palo desave divesa o čhavo sine hari sasljarde thaj o čhavo sine kosle tari evidencia thaj mukhlo khere. E dende terapijake thaj sasljaribaske sine rodime te pukinel pe participacia ko učipa taro 45 eura numa sebepi so kerel pe lafi bašo socialno riziko familia kote o duj jeria si bizi buti, i participacia na pukjinge la thaj gele peske khere bizo lil mukhibaske thaj historia nasvalipaske.
„Bibahtake , javinate alo dži ko jekh palem nasvalipa ko čhavoreskoro sastipa thaj o jeria palem gele an i klinika. Odothe informiringje len kaj e čhave ka len le an i klinika numa nane te phravel pe nevi historia , thaj nane te keren laboratorisko nevo rodaripa sa dži kote na pukjinel pe i participacia bašo o anglutni kerdi hospitalizacia thaj sasljariba. O jeria tari bibaht rodena sine faisali thaj finansie te šaj pukjinen i anglutni participacia , sebepi ma te aven dopherde komplikacie bašo e čhaveskoro sastipa . O dat geli dži ki humanitarno organizacia “Lil” suportoske thaj holjame pučlja: ” Soske o sastipe amare čhavengoro si lovencar pukjime? Šaj li salde okolen so isi love šaj te sasljaren pire čhaven”, vakeren tari Asociacia baši protektiva e hakoenge taro džuvlja thaj lhave “LIL”.
I persona A.Š. dat tarp duj tikne čhave so džana an i fundavno škola . Kerel pe lafi bašo pandž dženengiri familia so si telal socialno riziko thaj dživdinen ko duj kamrengoro kher. I daj e čhavengiri si seriozno nasvali thaj našti kerela buti , a o dat kerel buti ki jekh privatno firma kote lel masekoskere love paše 180 eura.
„Angleder jekh masek o A.Š. gelo dži ko Socialno centro thaj apliciringja bašo čhavorikano dopherde love. Palo nesave masekoa sine irame oleskiri aplikacia soske navodno ov so lela e masekoskiri plata taro 180 eura , thaj o limiti nakhavel bašo 3 (trin) eura! Kana rodingja dopherde informacie soske si irami oleskiri aplikacia thaj dali šaj aver forma te resel čhavorikane lovenge , sine leske vakerdo kaj nane le niami ko odova thaj šaj kerel te lelja masekoskiri plata so si pohari taro 180 eura. si lačhe love baši egzistencia taro jekh pand žnengiri familia thaj trubul te ikljol tari buti te manglja te lel odola čhavorengere love ” vakeren tari Asociacia baši protektiva e hakoenge taro džuvlja thaj chave “LIL”.
