O Roma naformalno romani mahala Čukarička padina, te šaj te dživdinen lungo vakti ko pašipa e vešake tharen pobaro kotor bakari, guma thaj sastrna kote so šleperia anena tari forma so kerel buti sekundardno akrtikloncar.
O dizutne tari akaja romani mahala vakerena kote i firma anel o sekundarno artiklia thaj majbaro kotor taro familie so dživdinena odothe odola tharena len thaj dena len palem majpalal thaj odoleske dena len love.
Save firmake kerel pe lafi ola na mangle te vakeren o anav e firmakoro. Numa o dizutne so dživdinen ko pašipa e romane mahalake si len dendo rodaripa dži ko inspekcie te keren notiriba savi si odoja firma.
” Odoleske soske o thariba o bakari si namukhlo a o thardo bakari si majmoldime ola hari lovenge resen dži ko uđžardo bakari, aluminiumi thaj sastrm. odova keren ko improvizirime bunkeria randime an i phuv thaj aven dži ko riziko tari toksikacia ” vakeren taro ofisia.
O Roma tari akaja mahala vakerena kote akale bukjaja agjaar thajh šaj te dživdinen 70 familie so len love te šaj ikljon hajbaja ko agor.
” Keraja buti thaj agjaar džuvdinaja sar džanaja. O dživdipa si but phareste nane amen elektrika, thaj pani, numa palem ikljovaja nesar ko agor” vakeren o Roma tari akaja mahala.
