Avdive paše maškar 12 thaj 15 milionia Roma – neko vakerel thaj majbut , dživdinena ko sako kotor e planetake Phuv. Majbaro kotor olendar si an i Europa . Majbut olendar nane pobuter o vakti so nakhaven po droma , thaj neko olendar but šukare materialno funkcionirinena. Numa ko but thana o Roma si panda jekh taro majšoroli thaj majdiskriminirimi nacia thaj buteder dživdinena ko but bilačhe standardia.
Ko vakti tari komunistikani era an i ost Europa i politikani ideologia kerel sine sa o dizutne te oven jekh a jekh,. O Govermentia sako olatar diferentno sukcesea keren sine zori twe tromalen o nomadsko stili džuvdipa e Romengoro odolea so dena len sine buti thaj aprtmania dživdipaske. Alava desavo drom anela sine šarti te lačharen piro standardi thaj sastipaskoro agjaar dživdipaskoro. Numa odova na chidingja o negativno stereotipia so sine mujal o Roma thaj akale percepciaja so sine pherdo na Romen so sine len mujal olende.
O politikane trampe an i ost Europa ko 1990 -to berša anena neve šajdipa thaj modelia. Numa ola ko jekh phravgje purane dukha sar so si o tikne programe baši socialno protektiva thaj majkišle implemetacia e antidiskriminatorsko kanonia anela buteder Romen ki phari situacia sar an o socialno agjaar thaj an o ekeonomsko perspektiva.
