Ko athinalipa odolea kobor bukja taro tele postirime video kote isi teksti si tmenge pendžarde , šaj avaja dži ki konkluzia kobor sien phure thaj kote nakhavgjen o dujto jekvaš tari nakhlo veko .
Ko vakti taro SFRJ o standardi e dizutnenge sine ko majuče nivelo numa avdive. O famozno “lolo” pasporto phravel sine but udara, thaj ni trubul sine jekh drom te dža ko dajanipa an o adriatiko.
Odova si salde nesave taro karane soske buteder rovena pali akaja them.
Normalno nane tikno o numero okola so na mangen i Jugoslavia , komunizmo, phralipa, jekhipa, Tito thaj okola so avdive pukjinaja sa odova taro komoditeto so sine amen ko vakti taro SFRJ.
Bizi diferenca ki savi grupa preperena thaj savo si tumaro dikhiba akale eks themake, thaj ako sine phureder taro 30 berša siguritetno dena tumen godi an o ” Borosana” menie, sportsko oprema “Yassa”, o pirano “Fičo”, o animirimo filmi Sport Billym o stripia taro Alan Ford, o jogurti tetrapak ki forma tari piramida, thaj o detergenti šeenge “Yeti”.
O resarin taro akava video kolaži te del tumen lipar ko vakti ko desave bukja so šaj bistergjen len.
Numa te sien sine jugonostalgično majpakjavutne akava video kana ka dikhe ka asan. Šaj sine mujal alva numa but lačhe ka liparen tumen ko vakti kana dživdinen sine an i them so nikana nane te iranel pe.
You tube: https://www.youtube.com/watch?v=yeJQFOhYoaE
