O CIVIL -Centari bašo tromalipa organizirinela kampanja kote dela pe than e dizutnenge te alusaren jekhe političare thaj te den le pučiba. Savore so mangena te istemalkeren akava šajdipa, šaj te bičhaven selfie video an o [email protected] jali ko Facebook an i rig taro Civil MK .
I ekipa taro CIVIL Media avdive ko skopjakere droma kergja anketa e dizutnencar thaj olendar šungja interesno pučiba thaj ko jekh rigorozno namangipa te keren lafi politikake, partienge thaj alusaribaske.
„O legarutnem kana phraven piro mouj, hohaven!, ” Arakhaa men ko kororo sokako odori legargje amen em okola thaj em akala”, ” Te vazden e Makedonia, but siem čorole”, “Dži kote akale čorolipaja” …, sine kotor taro pučiba so sine dende taro anketirime skopjanencar so dengje e makedonikane političaria.
Jekh taro dizutne manglja te ovel anonimno numa manglja te sniminen la prekal o CIVIL bičhavgja pučiba e lidereske tari opoziacia o Zoran Zaev: Ka ačhol li ko dende lafia so akana vakerela te šaj resel i pakjiv taro dizutne odolea so nane te ovel sar o Nikola Gruevski?”
Sa e političarenge so o dizutne dengje o pučiba prekal i anketa thaj i kampanja taro CIVIL , ko sajtia so si phravde bašo antvortia elaboracia thaj notiriba e stavenge resarinaja – “te reparirinel pe i Makedonia”..
