Nane pobuter notiribe markerea, ka ovel fotosi taro sako manuš so ka tergjol.
Nevipe ka ovel ko akala aqlusariba so trujalko anav thaj teloanav ka tergol leskoro foto taro pasporti jali identifikaciakiri karta, notiringja e Themakiri alusaribaskiri komisia.
O hangutnekana aven ko than kote ka den piri vota ka oven kotrolirime “UV Lamba”-ja te šaj dikhen si li naglutne hangime thaj kana agorkerel ka ove prskime sprejeja te našti dujto drom te del pi vota.
Akale momenteske sine debata , kote jekvaš sine an i gnd kaj akava si lačho akti thaj čhinavipa e manipulaciake, a o aver notirinena kaj akale aktea peravl pe o privatiteto thaj o garavdo deiba vota e korkori hangutneske.
Ko agor e 2014 berš sine dendi inicijativa dži ko Ustavno Kriso te čhinavgjovel o notiriba te ovel dikhlo thaj akava sine ando an o alusaribaskoro kanoni. Aso i percepcia taro ekspertia ola vakeren kaj si teleperavde 5 nukte taro ustavno aktia: diskrimincija e dizutnenge, olengoro baripa teleperavde, manušeskere hakoa, thaj olengoro tromalipa.
Akava nevipe ka ovel thaj validno okole personenge taro alusaribaskere liste so si lungo vakti avrial tari them thaj odori dživdinena thaj keren buti.
