An o 15 novembar o socialno ofiso an i diz Dalarna, Pvedia angja decizia te lel e čhaven jekhe Romnjake so dživdinela an o tardicionalno čhani sar kotor e romane kulturake thaj tradiciake.
Numa odova an i aver percepcia dikehna o persone taro socialno ofiso an i diz Dalarna, Švedia.
Ola angje decizia te len e čhavren akale Romnajke so manglja te ovel anonimno. Oj vakerela kaj o bukjarne an o socialno biro lele olakere čhave soske si len negativno percepcia mujal o Roma sar nacia.
Ola olake vakergje kaj te manglja te ikerel e čhaven peste trubul te chidel pe taro čhani tradicionalno dživdipa . Trubul te čhinel pire bala te na uravel tradicionalno šeja thaj aver.
Ko jekh ola vakeren sine kaj o Roma si pendžarutne odolea so ola bikinena pire čhajen kana pherena 10 berše moldiake taro 300 dži ko 400 mile švediakere krune.
Me sar daj kamav mire čhaven majpalal. Ola amen e Romen degradirinena thaj mukhen amen majtele. Numa me pakjav an o instituicie thaj i decizia te lav mire čhaven majpala.
Ko starti čače darava sine but tari akaja presia , numa akan sium buteder majzorali te iranav mire čhaven palal. Nane odova takati kaj šaj te len me čhaven aver.
Link: http://sverigesradio.se/sida/artikel.aspx?programid=2122&artikel=6576580
