Angleder duj kurke an i romani mahala “Marko Orlović” an o Kruševac, Srbia sine vazdime duj metrengoro duvari so si lungo pobut taro 120 metria. I informacia tari diz sine kaj odova nane duvar so hulavela, numa “zvučno bariera” bašo trafikoskoro transporto.
Numa o reakcie taro buteder 2.500 Roma tari akaja mahala , ponuter NGO thaj aver sine aver čhane.
„Asavke duvaria ko nakhlo periodo ko vakti taro nacizmo thaj o “šudro mariba”,a aktuelno ko akanutno vakti an o Kipar, thaj Izrael sikaven fizičko hulavipa jekhe naciake tari javer” vakerel pe an i reakcia.
Neko sar niošani taro revolti dengje thaj ostavke ko funkcie taro komunakere thana. Nesave partie an i Srbia rodena džovaplipa taro dizjakoro šerutno taro Kruševac o Dragia Nestorović, thaj olestar ostavka sebepi andi ladžavutni decizia.
Tari demokrtasko partia havljarena kote an o Srpsko parlamenti ka den o pučiba an o Parlamenti . Ola vakerena :” O Roma an o Kruđevac dživdinena upreder 150 berša, thaj akale aktea o SNS sikavela e dizutnenge kaj isi manuša taro jekhto thaj dujto nivelo an i Srbia”.
