E alusaribaskere kampanje ko akaleberšeskere anglovakteskere parlamentarno elekcia startungje ko 21 noemvri thaj ka oven 20 divesa. Trubul savore te džanen so troman , thaj so na roman te keren o partie an o akala alusariba?
Sa o partie šaj te reklamirinen pe, te keren agitacia, numa na troman te keren presia upral o elektorati. Bašo keriba presia, daravkeriba jali mito isi akti kote šaj te dal pe ko phanlipa dži ko 5 berša!
Ko vakti taro alusaribaskere kampanje , nane mukhle te istemalkerel pe than, ofiso, aparatura thaj vordona so si ko ploipa tari them thaj institucie.
Trubul te vakerel pe kaj o partie šaj te hardžinen majbut dži ko 110 denaria (paše 2 eura) ko sako hramosardo elektorati an i jekh Alusaribaskiri jekhin.
O partie šaj te finansirinen pe donaciencar dži ko 3.000 eura taro individue, thaj maksimum dži ko 30.000 eura taro firme thaj kompanie.
An o 2014 berš ko vakti taro alusariba o VMRO DPMNE hardžingje 1.4 milionia eura, o SDSM 195.000 eura, DUI 590.000 eura thaj o DPA 11.000 eura.
Te lipara kaj o kerde presie upral o dizutne, o finansiriba e partienge, o hulavipa e partienge tari them si konkluzno problemia kote i internacionalno jekhin registriringja ko dži akanutne alusariba an i R.Makedonia.
