Si li e legaripaske an i diz Skopje o dživdipa thaj komfori jekhe šimpanzoskoro si majmoldime numa o dživdipa taro 100 Roma!?
Šel Roma maškar so thaj deš tikne čhave ačhile ko droma kana i diz Skopje thaj o Ministeriumi baši sociala asistenciaja tari policia thaj bageria peravgje o improvizirime khera telal o Kale ki kinara e lenjake Vardar. Okola so mangena o barok, but kergja lenge iritacia o tikne khera taro plehia thaj kerpiči e čorole romengere. I ironia te ovel panda majbari ko vakti kana o publikumia kerel sine debata trubul li te peraven pe odola khera e Romenge telal o Kale, taro Zoo garteni ko Skopje dengje informacia kaj ka keren than dživdipaske taro šimpanzo so si paše 230.000 eura numa dopherde i diz Skopje ka del čačutni informacia. Si li an i Makedonia majmoldime o dživdipa jekhe šimpanzoske taro deš čhavore so dživdinen telal phravdo than?
Persi berš kana okola ” so arakhen sine i Makedonia” kergje kampi anglal o Parlamenti tari Makedonia, i Unia e ternengiri taro SRM legaren sine paketia hajbaja thaj pijbaja sar humano akti okolenge so soven sine anglal o parko “Žena park”. O Roma taro Kale nekobor divesa sovena ko droma, numa ni i Unia e ternengiri taro SRM, ni taro DSR, ni PCER, ROM thaj aver nane len panda informacia kaj neko olendar legargje hajbaskere artiklia e Romenge.
Jekh taro obligacie e Govermenteske tari Makedonia so dengje signatura an i Romani Dekada si thaj olengoro kherutnipa. Šaj li o legaripa te kerel majbari ospervacia ko than majmunenge , majkonkretno šimpanzoske (trujal so si 230.000 eura ko rešetke, kafezeske, te mukhen e šimpanzo phravde kote mangel te džal, thaj odole lovencar te faisalkeren barem hari akala problemia e Romencar? Šaj li? Šaj li i Makedonia te iranel pe ko normalno dživdipa?
Link: http://civil.org.mk/2016/08/06/za-mamunit-i-za-luto/?lang=mk
