Ko vakti taro fundavipa e khedipaske tari “Partia baši buti thaj solidariteti” taro Milan Bandić 365″ an o Slavonski Brod, Hrvatska o prezidenti e pratiakoro Milan Bandić kergja vizita e romane mahalake an i akaja diz havljargja kote i diz Zagreb taro plo budžeto ka kinen lila sa e Romane čhavenge so džana ki škola tari Hrvatska. O deiba lafi dži akana niko na dengja ni jekh hrvatsko političari. Premal oleskere lafia an i programa oleskere partiake isi edukacia thaj buti.
„ I Hrvatska šaj te ovel majkonkuretno an o europakoro marketi bukjake jekhutno prekal i profesionalnost haj edukacia ko manuša. , thaj trubul te arakhel pe modaliteto bašo bilovengoro kiniba lila baši fundavno thaj maškarutni edukacia.
Odova dži akana nakergja ni jekh tari akaja eksperimentalno govermento an i Hrvatska taro akala šov masekoa thaj ni i anglutni ekipa” vakergja o Bandić.
O senzibiliteti taro nacionalno minjoritetia o zagrebsko dizjakoro šerutno zojrakergja odolea so ko fundavutno formiriba e partiake an o Slavonski Brod, notiringja thaj jekh membro taro Roma. Bašo presidento e dizjakere organizaciake si notirime o Petar Bašić, dži kote sar vicepresidentia si notirime Mira Pehar, Andrej Krijan thaj Franjo ostoić.
