E dizjakoro šerutno taro Vranje Slobodan Milenković akcentiringja kote o Ekrem Mamutović ple orkestarea si baripa e Vranjeske, soske khuvgja an i historia sar jekhto manuš sp lelja i titula majstori upral majstoria ki konkurencia taro 11 majšukar trubačia.
–But droma akcentirinava kote o trubačia tari akaja diz si amaro barvalipa, thaj si namaterijalno kulturno barvalipa e dizjake trujal o kheliba thaj i čhib.
O trubačia taro Vranje tari Upruni čaršia si Vranjeskoro barvalipa, thaj i diz kerela majodorig zori lačharipa baši praktika soske ola prezentirinen e Vranjancen ko sa o meridiania” – vakergja o Milenković.
O Ekrem Mamutović bičhavgja šukrikerin dži ko dizjakoro šerutno thaj e dizjakere legaripaske bašo kerdo respekto thaj vakerel kaj sakoske si suno te legarel i viktoria ko akava festivali an i Guča,
-But si mange šukar thaj sium bahtalo so legargjum i viktoria ki Guča, soske sako trubači si le suno te legarel i viktoria ki Guča.
Avgo drom si organizirime majstorsko šampionati kote o organizatoria thaj o trubačia so apliciringje phanle lafi te ovel salde jekh so ka legarel i viktoria.. Odova respekto prepelo baš mange – vakergja o Mamutović.
Ov vakergja kote avgo drom akate alo ko 2007 berš ko festivali ki Guča, sako drom legargja i viktoria, salde persi berš, kana na lelja ni than ko festivali.
Ov vakerel kote i viktoria ki Guča ple orkestarea trenirinen sine sako dive po nekobor saatia. O Ekrem Mamutović ple orkestarea trujal i statua taro “Desimir Perišić” lelja thaj o phursako – čeko lovencar ko učipa taro paše 8.000 eura.
