O oficialno informacie den aver percepcia. Nane baripe taro numero ko romane mahale, thaj abro nivelo kriminalno aktia.
Akala dive an i komuna Delnice formiringja pe bukjarni grupa so fundavno resarin si te faisalkeren o nahaljovipa e preperutnencar tari romani populacia so dživdinel ko akava reoni.
Kerel pe lafi bapi dendi peticia taro 50 manuša so si navodno kerdo ziankeriba ko olengoro imoti thaj o legaripa ko kafičia thaj dukjania , daravina taro fizičko konflikto thaj teleperaviba e siguriteteske taro o dizutne. Odova ikeren le faktea kaj si abro numero neve ale Roma ki romani mahala.
Akale faktenge kontra kergja o načelniko e policiakoro Marinko Puškarič so vakerel kote aso oficialno informacie an i konekcia e niveloa taro kriminaliteto ki olengiri komuna.
Prekal kerdi evidencia neveavile Roma an i komuna taro 2011 berš pa naakari nane, numa si kontra thaj olengoro numero pelo, a na barilo.
Sar fakti ko thavdipa persi beršeske faisalkergje barabutne 12 aktia kote ko 4 si romane anava, numa ko 8 si anavencar taro Gorancia.
I bukajrni grupa ka kerel te anel konsolidacia thaj ma te den pe salde apušalno vakerina , thaj šerutno lafi ka ovel e socialno bukjarne te šaj kerel respekto thaj pakjiv maškar sa o dizutne ki akaja komuna.
