Ola si našavde čhave. Olen ko droma taro Bukurešt fotografiringja olen o Just Vanderburg. Ola si tromale, buntovno, bizo heria, prekal ple kanonia, thaj uzal destruktivno elementia.
I Romania si tehm problematično aktueletetea thaj terorizirime nakhlo vakti. panda nane sasljarde o dukha so dengja olen o Nikolae Čaušesku.
Trujal 1000 dži ko 1.200 čhave taro 4 dži ko 18 berš baripa si ko droma ko Bukurešt.
Jekvaš olendar si Roma. I droga, alkohol, hepatiti, sida thaj aver sastipaskere problemia si but ko akala čhave. Ola si targeti taro pedofilia, naprofesionalno policia thaj džvdinen taro mangipa devlenge thaj hurdo kriminalo.
Hulavde taro sasoitnipa so mukhlja akaja grupa čhaven bizo kher ko droma arakhen plo than sojbaske ko teluno than ko bukurešđtsko trenoskoro stasioni.
O fotografi taro Roterdam o Just Vanderburg sine akhardo ki odoja rota čhave panda taro 2010 berš. Odoja grupa sine o Kostela, Nica, Liviam ,Stefan, thaj o Brus Li so zapendžargja olen ko droma kana kerel sine tema ko fotosesie. Ko agorutne berša ov bešel olencar thaj kerel sine fotosesia ko stili olengere dživdipaske, so kamel te ikavel lil sar kotor anavkerdo „Cinci Lei“ (Proekto taro našavde čhave).
– Buteder taro Romancia si holjame mange thaj me bukjake, vakeren kote me e Romania sikavav la ko but negativno percepcoa- vakerela ov.
