Ki khangiri an o Bogatič pobuter taro 70 Roma ka keren grupno krstiba so organizuringja o Romano khedipa taro Bogatič teloikerdo tari khangiri thaj o lokalno ofiso.
-Kedi si lista taro 70 anava taro Roma taro Bogatič., Klenj, thaj Dublja so na sine krstime taro diferentno faktoria. Neko olendar na sine len love, ne ni na dengja pe godi odoleske, a sine asavke kaskere kumia na sine krstime em odolestar našti sine te keren akava adeti.
Ko thavdipa taro krstiba plo than ka len sa o roma taro sa o berša taro majterno dži ko majphureder. O majphureder Rom so ka krstinel pe si le 58 berša.
O romano khedipa lergja saste i dokumentacia bizo love a o adeti ka ovel kerdo taro nekobor lokalno sveštenikia taro khangira ko Bogatič. Maškar olende 20 olendar isi len kumia, numa e resto 50 dženen nane len thaj trubul nevo kume. Odoleske i idea o kume olenge te ovel o presidento e komunake Bogatič o Nenad Beserovac.
-O presidento e komunake bare čalipaja astargja akaja rolja thaj sikavgja baro havljaripa thaj dengja saste suporto akale kolektivno krstibaske.
Link: http://macvapress.rs/kume-izgore-ti-kesa-nenad-beserovac-predsednik-opstine-bogatic-kumovace-na-kolektivnom-krstenju-roma/
