O Amnesti Internacional havljargja i lista taro deš thema kote majtele narespektirinen pe o manušikane niamia. Trujal i Siria kote isi baro maripa ko raporto “I situacia e manušikane hakoenge an i lumia 2015/16” arakhen pe thema so nane len konflikto. Ake i lista taro thema kote si notirime narespektiriba e manušikane hakoenge.
Kina
Masovno narespektiriba manušikane hakoa si o advokatia, o neve kanonia tari nacionalno siguriteti so teleperavel o manušikane hakoa, thaj bajrarel i kontrola upral o interneto, mediumia, edukacia thaj hulaviba prekal i religia.
Egipet
Mudaripa so si kerde palo nafer krisia , e phanlenge so si ki tortura. O džuvljha thaj minjoritetia si akti tari diskriminacia a o legaripa majzorale limitirinel o tromalipa ko lafi. O kritičaria e Govermenteske but droma phanena pe thaj anibaja antiteroristikano kanoni phagen pe o manušikane hakia.
Ungaria
O teli thaj o duvaria so i Ungaria kergja ko ple simantre te čhinavel o baro nivelo imigrantias thaj te čhinavel o bizniso transporto manušenge so kerena šverc prekal i simantar. Odoja them ko jekh but droma ko targeti si atakia mujal o Roma an i akaja them so si motivirime tari natolerancia.
Izrael
Mudaripa e palestinsko civilenge konektiribaja thaj čhaven, šel phanle palsetinsko demonstrantia so si mujal Izraelsko okupacia, tortura thaj atakia, a na keren pe kriseskere procesia mujal olende.
Gambia
Kana manglja te kerel pe themakoro puči ko dekemvri 2014 berš kergja baro nivelo astariba thaj phanipa thaj narespekto e manušikane hakoenge. O govermento kergja reperesia than na mangel konekcia thaj kolaboracia e UN-ea
Kenia
O atakia an i Kenia so kergja len o Al Šababa somalisko šastrali grupa bajararel o leiba than ko antiteroristikane akcie ko kenisko legaripa keren elemntarno phagiba o manušikane niamia so but droma si mariba thaj phanlipa civilno organizacie.
Pakistan
Neveformirime askereskere krisia isi len legitimiteti konektiribaja thaj civilen ne krisinen bašo terorizmo thaj ko nafer krisiba phanen len. O minjoritetia majodorig si diskriminirime an io sasoitnipa.
Rusia
O tromalipa tari lafikeriba pobuter droma sine peravde. O legaripa majodorig si dominantno presia upral elektronsko media thaj gazete so majzorali kontrola upral o interneti. Baro numero civilia phahen pe sebepi bičhavde kritike premal i policia. Ko Nord Kavkas džal majodorig phagiba manušikane niamia.
Saudikani Arabia
O govermento majodorig limitirinela o tromalipa e civilenge thaj organizacienge. O legaripa phanela ikavel len anglal o kriso okolen so keren maripa mujal narespektiriba manušikane hakoa. O terori upral o phanle, a o džuvlja si diskriminirime.
Siria
Govermentsko thaj aver nagovermentsko šastrale formacie kergje majbut namanušikane terorizmia an i Siria, kote majtelune phagle o humano thaj manušikane niamia.
