Biš thaj jekh beršengoro Birsan Sejfula taro Kumanovo reslja kriso phanlipa taro 13 berša soske lelja than ki grupa ko kerdo atako upral trin imigrantia taro Avganisatn kote olendar čorgja 100 eura.
Trujal odova o Kumanovco so si ko phanlipa thaj oleskoro matikno phral krisimo si alternativno aktea” Zorali opservacia taro jeria” a palo duj javer i policia kerel rodaripa.
O dat taro Birseni ko mediumia anglal o Fundavno Kriso ko Kumanovi vakerel kotei decizia taro Kriso si andi sar te kerel pe lafi manušeske so mudargja nekaste.
“Mo čhavo ka pašljol ko phanlipa sar te mudargja manuše. Akaja decizia si feleri thaj ladž e makedonikane krisoske. Akava si fukalipa.
O Sejfula momentalno si ko phanlipa ki Šutka. Oleskiri čipota opservirinela o Helsinško komiteto so ko vakti tari kerdi vizita vakerel kaj o phanlo si ko but bilačho sastipaskiri situacia.
I familia Šainovski vakerena kote dži kote na anel pe “realno decizia” olengere čhaveske ola e Romane jekhinaja barabutne ka keren masovno protesto anglal o Kumanovsko kriso.
