Aso o informacie so dengja len o CCN majhari 265 manuša mule, a 1000 si ratvarde ko militantno bunto an i Turkia.
Prekal i NTV , privatno televizia an i Turkia majbaro kotor taro ratavrde si policajcia so mule ko phajrariba e helihopterea ko pašipa taro Parlamenti.
O Ministeriumi bašo andrune bukja informiringja lak o militantno bunto si akti taro pandž generalia thaj 29 polkovnikia, nekobor Kris manuša an o Majučo Kriso si akana telal o rodaripa.
E trukiakiri infromativno agencia Anadolia informiringja kaj si dži akana astarde thaj phanle 754 persone.
O reporteri taro CNN an i Turkia javinate ko 07.10 havljargje kote majbaro kotor taro militantia irangje pe taro ple pozicie.
CNN Turk havljargja kote o prezidento Erdogan ko 02:30 alo ko aeroporto “Ataturk” kote sine udžardo taro baro numero simpatizeria.
I Nacionalno havljaribaskiri agencia vakerel kaj o bunto si agorkerdotrujal so ko droma ki Ankara thaj Istambul panda šaj šunen pe po desave phajrariba thaj eksplozie.
Pali sasti rakj eksplozie, phajrariba thaj tenkia ko droma, o prezidento e Turkiakoro , Redžep taip Erdogan javinate havljargja kaj i mangin taro militantno bunto si agorkerdo thaj e Govermente isi le sasti kontrola. O Erdogan anglutne akhargja e dizutnen tari Turkia te ikljon thaj te ušten mujal o askeri kote ale konfliktia ki Ankara thaj Istanbul.
O generalštabi tari turkiakiri armada si telal i kontrola taro govermenteskere takatia, numa tikni grupa askeria dena panda zoripa thaj kontrorinel nekobor askereskere helihopteria, vakergja učo turkiakoro membro.
