Idžerati an i Nica sine čačutno masakro kana kamioni khuvgja ko manuša ki avenia phiribaske kote agorutne informacie vakeren kote isi majhari 85 mule.
I gazeta “Figaro” informirinela kote majhari mule 85 džene a upreder 120 si ratvarde. Daravel pe kote avdisutne divesea šaj odova numero panda te bajrol. Paše ko 01:10 pali jekvaš i rakj ki diz sine čačutni panika, kana kamioni khuvgja ko drom kote sine but manuša so phirena sine , šungja pe thaj phajrariba, em o manuša an i panika počmingje te našen, a nesave frdena pe sine ko pani.
Premal o agorutne informacie o šoferi e kamioneskoro si mudardo. Pakjala pe kote majanglal e kamionea khuvgja ki masa taro o manuša palo odova aćhavgja o kamioni thaj počmingja te phajrarel. I gazeta havljarela kote ko kamioni sine šastra, so del indicie kaj akaja akcia sine planirimi anglutne. O avgo snimke tari akaja pendžardi francusko turističko destinacia sine šokantno. Ko droma sine haosi, sakote sine mule trupia taro manuša.
