Rekordno 2,14 milionia imigrantia ale an i Germania ko persi 2015 berš sp si majučo nivelo bašo 46% ki paralela e 2014 beršeske, havljarela o Germansko Sojuzno ofiso baši statistika ko štartodi.
Taro 2,14 milionia imigrantia an i Germania persi berš 45% olendar si manuša so si avrial tari Europakiri Unia, 13 % tari Europa numa thema so si avrial tari EU, 30% si tari Azija, pobut tari Siria, Avganistan,thaj Irak thaj 5% si tari Afrika.
O Ministeriumi bašo andrune bukja anglutne havljargja kote persi berš an i Germania ale 1.1 milioni manuša so rodingje azili. Numa okola so oficialno rodingje o numero si majtikno thaj si salde 476,649 manuša. Odoleske alo dži ko pharipa ko ofiso kote so rodena azlili.
Persi berš tari Germania gele peske 998.000 manuša so si bajraripa taro 9% ki paralela e 2014 berš, thaj akana i diferencar tari imigracia thaj emigracia legarel 1.14 milionia so sikavel rekordno numero.
