O Roma saste si kosle taro Programe e sastipaskere protektivake e daenge thaj čhavenge taro Ministeriumi bašo 2016 berš. Trujal o baro nivelo taro meripa bebia ki romani populacia kote bašo 25% si majuči taro dendo proseko. O Ministeriumi sastipaske na dela love akale kategoria dizutnenge, vakeren taro NGO ESE.
Odothar vakeren kote o love so trubul sine te den pe e romane čhavenge thaj marginalizirime grupe so sako drom tiknjaren pe akana ka džan ko kapitalno investicie, rekonstrukcie thaj renoviriba e hospitalenge.
„O aktivitetia e Romenge tari Programa e daenge thaj čhavenge saste si kosli taro budžeto taro Ministeriumi sastipaske. O preventivno programe si si tema ko trampe thaj tiknjariba. Nevo tiknjariba taro 10 milionia denaria so si an i Programa baši imunizacia thaj duj milionia denaria bašo sistematsko kontrole e siklenge, vakeren taro nagovermenteskere organizacie.
Odothar potencirinena kote o Govermento generalno dela majtikno budžeto ko kotor taro sastipa taro paše thema thaj taro EU. Akatar ikljola thaj o konsekvence sar si so naefikasno patronažno ofiso kana keren buti e daencar, čhavencar nakerde vizite ko vakti tari khamnipa thaj palo odova, tiknjardo nivelo imunizacia so džala taro 63 dži ko 89 procentia ko akala čhave.
