I fondacia Egzit havljargja e Mirko Kaldaraš, o terno hemičari bašo “Heroi e ternengoro” soske i baraka kote na sine ni elektrika, pani thaj sikljojbaja telal ko momolja kamel te resel te agorkerel fakulteti, thaj palo odova te kerel buti ko aktivizmo thaj o pučiba tari edukacia e Romenge.
O dživdipa taro Mirko Kaldaraš (19) terno Rom taro Vršac, jekh taro majtalentirime hemičaria ki pli generacia an i Srbia, kerel sine buti bašo sukcesi. Sukcesi oleske si “salde” normalno šartia dživdipaske, soske sa dži ko plo 18 berša bibukjarne dadea thaj nasvali daj dživdinen sine ki kirni thaj peravdi baraka bizi struja, pani thaj toaleti.
Jekhutne forma te ikljol taro odova hali o Mirko dikhlja ki edukacia. Odova havgja kana sine le 13 berš, thaj bahtake o suno ulo realiteti.
Ov ple bukjaja thaj talenti hemiake dende suportoa tari Hemisko-medicinsko škola, o Govermento tari Vojvodina e Mirkoske dengja kher an o Vršac, palo pandž masek kana sine kerdi i storia ko lokalno mediumia baši oleskiri situacia.
Numa odoja jazia manglja oleskoro dat o Jožef te na nakhel o prago taro nevo kher ko drom Skadarska. Mulo angleder te khuven ko nevo kher.
– O nevo kher trampingja mlo dživdipa, trujal so manuš lokheste sikljola. Odova si buti so trubul te dav fidbeko.
Berš thaj jekvaš palo khujbe ko nevo kher o talentirimo hemičari o talentirimo hemisko tehničari reslja dži ko eftato nivelo ki pli edukacia thaj kamel te khuvel ko fakulteti. O Štarto berš nakhlja le but šukar sikcesea soske sar so vakerel sine le problemia pe nasvale dajaja. Numa odova nane te čhinavel le ki ambicia te khuvel ki kvota e budžeteske ko Naturakoro-matematikano fakulteti an o Novi Sad ko sektori hemia.
– I ocena nane sako drom refleksia taro džanlipa thaj pakjav ko sukceso so nane te ruminel mlo proseko kana ka hramosarav man. Dikhljum pšersiberšeskere aktia so ko princip si lokhe mange soske sikavav sine mle vrsnikon ko odola teme. Dđanav kaj trubul te khuvav ki nacionalno kvota edukaciake soske nane man te hulavav 100.000 dinaria baši mi edukacia. Odole ka ovel man akomodacia ko studentsko apartmani, thaj o Ofiso baši Romani inkluzia e Romenge dengje lafi kote ka den man stipendia.
Save ambicie šaj te ovel jekhe terne manupe asavke jaziaja?
– Kamav te agorkerav o fakulteti te lav love normalno dživdipaske. Našti kerav monotono buti, kamav rodaripaskiri interesno buti, so si pherdo dinamikaja. Ka dikha si li odova realno. majanglal te khuvav ko fakulteti. – vakerela o Mirko
