O beogragjani Jovan Pršalo, ko stasioni udžarel sine busi, kana šungja o dialog maškar i tikni romani čhaj thaj olakiri daj so irangja pe tari škola. Ko olakere lafia notiringja pe lekcia so nane lokheste te bistrel pe thaj trubul te khuvel ki godi!
Ko vakti kana udžaren sine o busi, i tikni čhaj ikavgja o lila thaj saste bahtali vakergja pe diake kote majsig kergja o lekcie tari matematika. Pobut ki asavki situacia ka šunen bahtalipa tari daj.
Numa akaja napendžardi romani daj pe čhijake dengja čačutni lekcia.
Bahtali bašo plo sukcesi i tikni počmingja te ikavel em o javer lila taro plo ranco te sikavel pe dajake , a i daj dikhlja majanglal čače li kergja i matematika sar so trubul a palo odova vakergja lake: ” Naen bitno so majsig kergjan o lekcia, bitno si te oven tačno” “Ka dikha khere thaj ka sikljova palem”! vakergja , thaj irangje o lila ko ranco kana reslja o busi anglal o stasioni taro “Ternengoro stadioni”.
O jovan ačhilo bizo lafia taro akava dialogm thaj sine but bahtalo so šungja o dialog thaj tari čhajakiri baht bašo olakoro školsko sukcesi.
” O Roma an i Srbia thaj an o regioni isi len but problemia, stereotipia thaj ui tradicia taro dživdipa kerel pharipa ko olengoro normalno dživdipa” ov vakerel savorenge: ” Ma ov tu da odova so ka kerel bariera thaj bilačheste te dikhel e romane čhaven ko droma. Savore so biandilam nane amen jekh a jekh šansa bašo sukcesi”!
Ko jekh i čhaj te šungja o lafia tari pli daj so vakergja lake, olake nane te ovel ni jekh drom bilačhe!
