“Me sium bijando thaj bariljum akate thaj mangav akate te ačhovav. Mle jeria majpakjavutne ka iranen pe ko Kosovo, numa me nadžanav aver than avrial taro akava kampi, trujal so siem bisterde savorendar.” O Dijamant isi le 20 berš . moderno telefoni, moderno naočaria khameske thaj moderno trendi. Ov si kotor tari “bari familia” Roma so našle taro Kosovo.
Amen siem ko Konik jekh taro majbare Romane kampia našutnenge an o Balkani. so si an i periferia tari Podgorica, kote trujal o Montenegro na džanel kaj si akava kampi. Paše 1.800 manuša dživdinen akate, so ale ko vakti taro anti – srpsko NATO bombardiriba an o Kosovo ko anglonilaj 1999 berš. Ola si “bisterde” našutne so avdive da keren maripa te arakhen plo identiteti, so ka kerel te iranen pe ko ple matični them jali te len tehmutnipa tari Montenegro.
Pobuter taro milja Roma kote majhari si 567 tikne čhave si thanjarde ko barake so si sar kontejneria so gejnen majhari 160 asavke objektia kerde taro lim thaj kašta so ko jevend si šudre a ko nilaj tate. Ola si ko riziko ko bare jaga kote asavko sine ko 2012 berš kana thabile 29 asavke objektia mukhibaja bizo khera paše 800 manuša. O toaletia si jekh savorenge, kote ko jekh kontejneri bešen po 10 manušaOla dživdinen ko ekstremno bilačhe šartia masekoskere subvenciaja ko učipa taro 120 eura so del e Montenegroskoro govermento. O javer našutne dživdinen ko 48 apartmania so kergje pe ko agor taro noemvri persi berš. O aver apaertmani si ki faza ko agor dži ko agor e beršeske, numa o našutne pučen pe kaste ka ovel baht te dživdinel odothe.
